KUPAT
Ente mblenger karo panganan sing jenenge kupat? kupat apa bae wis..... nah kiye ana panganan kupat sing jarene aseli resep panganane wong Tegal dewek. Mbokan pan lunga tuku tapi adoh ya njajal gawe dewek bae nggo sakeluarga (limang porsi) Bahane:
- 5 ketupat
- 250 gr tempe dipotong kaya dadu, goreng setengah mateng
- 125 gr mie kuning digodog, seduh trus ditirisna
- 5 kerupuk mie digoreng Bawang goreng kanggo taburan, aja klalen.. minyak nggo numis
- tepung beras seperlune bae
Bumbu sing dihalusna:
- 8 btr bawang merah
- 4 siung bawang putih
- 5 butir kemiri
- jahe sabiji
- 1 sdt ketumbar
- 1 sdt terasi sacuil
- uyah saperlune
- kunyit sabiji
- 1 kaldu sapi (sachet)
- 1 sdt gula pasir
- salam, sereh, laos dimemarkan
- 250 ml. santan kentel
- 750 ml santan encer
Carane:
- Tumis karo minyak bumbu sing wis dialusna, salam, sereh karo laos,
trus cemplungna tempe tambahna santan encer, diungkep anjog mateng
- Sawise mateng, tambahna santan kentel, kaldu blok instan karo gula trus diaduk nganti umeb
- Jukut kuah sacuil bae nggo gawe glabedte, carane kuah mau dimasak karo tambahna tepung beras secukupe
- Hidangna trus pangan owh sedulur, enak maning ari ditambah lawuh semur atawa sate blengong
Tidak ada komentar:
Posting Komentar